بلیق هم بلیقچی گهواره گروهی افغانستان خلقی قاله‌ویرسه باله‌لرگه بیرگن وعده‌سیگه وفادار. شونینگ اوچون هم بو گروه نینگ اعضالری باله‌لر ادبیاتی اوچون کوزله‌گن مقصدیگه دوام بیره‌دی. باله‌جانلرگه اینگ یخشی و قیزیق حکایه‌لر، داستانلر و ایرتکلرنی گهواره سایتیگه پی دی اف و امکان قدر کتاب حالیده چاپ قیلیب بیریشگه حرکت قیله‌دی. گهواره بوندن بیر آی آلدین مملکت و منطقه بویلب #هر_باله_بیر_کتاب کمپاینی باشله‌دی. بختگه موافق بو کمپاین ایسه موفقیت بیلن اوز پایانیگه ییتدی. کمپاینده جمعلنگن پوللرگه بیر قطار کتابلر چاپ ایتیلدی. جمله‌دن « بلیق هم بلیقچی» ایرتکلر داستانی گهواره کمپاینیده ییغیلگن پول حسابیده چاپ قیلیندی. بو کتاب هم یقینده باله‌لر قولیگه ییتکزیله‌دی خدا خواهلسه. الکسندر پوشکین‌نینگ نظیم قالیبیده ایجاد بولگن «بلیق هم بلیقچی» ایرتگی اوزبیکستانلیک یازووچیلر تامانیدن اوزبیک تیلیگه ترجمه قیلینگن، اونی کمینه حسن تولقین کریلدن الفباسینی اوگیریب باله‌لرگه تیارله‌دیم.
۷۶ ایکّی مرته سقلب آلیش
بو کتابلرنینگ هر بیر جلدی اوچون امریکالیک 5 دالر صرفلنگن. سیز اوشبو مبلغ و بوندن آرتیق پول‌نی گهواره‌گه مالی کۉمک اېته‌آله‌سیز. مذکور توگمه‌نی باسیش بیلن ایسته‌گن کتابینگیزنی تېکین گینه سقلب (دانلود) قیلیب آلیشینگیز ممکن. کتاب نرخینی تۉلَش اوچون گهواره‌نی مالی حمایت قیلیش بۉلیمی‌گه بارینگ.